सध्या जगात अफगाणिस्तानमध्ये चाललेल्या भयंकर स्थित्यंतराची चर्चा सुरू आहे.

या घटनांमुळे भारत सर्वात जास्त प्रभावित होणार आहे पण 12 कोटी लोक बघत असलेल्या मराठी न्यूज चॅनलवरती, मराठी सोशल मीडियात त्याचा साधा लवलेशही नाही.

अफगाणिस्तानमधील अलीकडच्या घटनांबद्दलचा हा थ्रेड

1/

2001 मध्ये वर्ल्ड ट्रेड सेंटर पाडल्यानंतर अमेरिकेने अफगाण तालिबान विरुद्ध युद्ध पुकारले आणि आपले व मित्र राष्ट्रांचे सैन्य तिथे तैनात केले.
या युद्धाची उद्दिष्टे काय होती आणि ती पूर्ण करण्यात अमेरिका यशस्वी ठरला का याच्यावर मोठे प्रश्नचिन्ह आहे.

2/

अफगाणिस्तानमधील सैन्य तैनाती अमेरिकेच्या निवडणुकांमधील एक महत्त्वाचा मुद्दा राहिला आहे. कारण अमेरिकेने त्यासाठी अनेक सैनिकांचे जीव आणि करदात्यांचा अब्जावधी डॉलर्सचा पैसा खर्च केला. बदल्यात अमेरिकेला काही मिळाले नाही. आजही तालिबान, अल् कायदा, हक्कानी नेटवर्क अस्तित्वात आहेत.

3/

अफगाणिस्तानमधून सैन्य हटविण्याची चर्चा बराक ओबामांच्या काळात सुरू होती. डोनाल्ड ट्रम्पच्या काळात त्यावर अंमलबजावणी सुरू झाली. तरी अफगाणिस्तानमध्ये बऱ्याच प्रमाणावर अमेरिकन सैन्य तैनात होते. आता बिडेन सत्तेवर आल्यावर त्यास गती प्राप्त झाली.

पण इथेच खरी समस्येची सुरुवात झाली

4/

मागील काही दिवस अमेरिकेचे सैन्य माघारी जात असताना त्यांनी त्यांची काही युद्ध सामुग्री अफगाणिस्तानमध्ये ठेवण्याचा निर्णय घेतला कारण ती जीर्ण झाली होती, त्यांच्या स्टॅंडर्ड पेक्षा जुनी होती आणि ती माघारी नेण्याचा खर्च जास्त होता.

5/